主页 > Y真生活 >【轮证赢家】始终都係牛证近又多货 >

【轮证赢家】始终都係牛证近又多货

[2020-06-13 08:22] 来源: 申博官网备用网址_真人炸金花app官方版下载
【轮证赢家】始终都係牛证近又多货放大图片

今朝如常钟数落楼下等巴士,都估到巴士条龙会好长,好彩架巴士亦都準时,但埋站时已经见有一堆人企喺司机附近嘅位置,只希望上得到就上啦;正当大家都排住队迫上架巴士时,我后面嗰阿姨愈行愈前,本身喺我后面排到同我并排,再排排吓同前面个女仔并排,身为一个C9嘅我就梗係出声话佢啦,而阿姨就更係死撑话自己排紧队,无打尖啦,到最后架巴士真係full晒,我同前面个女仔都上唔到,而嗰位阿姨就一个箭步再抽身,喺巴士门闩紧时踏上巴士,被门内嘅栏杆闩门时一掀,就掀起佢嗰条深蓝白色碎花及膝裙(裏面着乜我唔讲啦),都要迫到上车为止,本来我仲想讲:仲话唔係打尖?但确实係被呢个画面吓到呆一呆,喺个脑裏面嗰句说话已经变成:为咗上架巴士,你可以去到几尽?Well,我宁愿等下一班车,反正都係5分钟后有车,仲大把位比我坐,返到嚟都只係9点45分到,同平时差唔多(应该係九巴加密咗班次)。

抖咗四日,终于都返番嚟呢个位,星期一(9月30日)完全无睇到个市,至黄昏后睇新闻先知原来嗰日恒指喺低开过百点后再弹升逾200点,20天线仲抽升穿过条50天线,「黄金交叉」虽然出现,但似乎对今日大市无乜帮助。

今朝早喺巴士上见恒指做完U盘,开市报25901点,跌919点;至依家10点12分,恒指跌幅扩大至跌232点,做紧25860点,而最低暂时见过25778点。

喺恒指牛熊证街货图上,下方牛证最贴价嗰层为25700点至25799点,呢度有相当于878张期指,按恒指截至依家10点14分计算,大市低位係一层入侵过呢一层牛证。至于上方熊证见到有两层係新增,分别係26200至26299点,同埋26300至26399点,各自有相当于258同143张期指嘅街货,量唔多、价唔近,就咁睇大市向下诱因大过上行。

再望埋日线图,恒指係9月23日已经跌穿晒所有天线,换保历加通道出嚟睇,依家又回落返去保历加通道底(25681点),同步见下方SlowSTC(14,3)都落到严重超卖水平,係条14RSI仲见39,至于DMI同MACD都仲係发出看淡讯号。咁都好正常,因为SlowSTC用到(14,3)一个咁短期同敏感度高嘅数,係长时间大市处同一个方向之下,佢绝对係好容易超买/卖再超买/卖;至于14RSI、DMI同MACD,都係比较中线(或者叫做比SlowSTC(14,3)长期啲啲嘅指标),所以到依家仍然未有反弹讯号亦不足为奇。

至于你话条保历加通道底啦喎,跌穿再回返入去我谂大家都有见过架啦,咁计落去恒指再向下行嘅机会都唔细,至少牛证25700点至25799点呢层过800几张期指街货会冻过水先啦。恒指熊(56575),收回价26300点,同现价有逾400点差距,槓桿比率约43倍适合day trade,依家10点27分,恒指5分钟图SlowSTC(14,3)两线都见「2」头,day trade熊证要等等。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

#轮证赢家 #轮证下半Part #warrantsandcbbc

相关推荐
申博太阳城_真人炸金花app官方版下载|各方面新闻信息网|分享美食信息|网站地图 申博官网备用网址_5倍奔驰宝马游戏技巧 申博官网备用网址_新鸿博国际